مفهوم. نكت مصرية مضحكة
مجموعة من احدث النكت المصرية المضحكة، والتي يتم تداولها على شبكات التواصل الاجتماعي تويتر وفيس بوك.
مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه.
واحد بلدياتنا كان قائد فى الجيش و قدامه أربع صفوف عساكر … واحد من العساكر عطس .. القائد سأل أول صف مين اللى عطس؟ محدش رد .. فتح عليهم النار قتلهم كلهم .. و بعدين سأل الصف التانى مين اللى عطس محدش رد .. راح فاتح النار عليهم ….والدور على الصف التالت قام واحد خاف و قاله انا اللى عطست ياباشا قاله القائد يرحمكم الله.
* مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق.
واحد بلديتنا راح امريكا لقى كل الشباب لابسين تشيرت مكتوب علية سفن اب كوكاكولا – بيبسي .. راح كتب على الجلابية عصير قصب.
مرة اتنين ماشيين ف الصحرا… طلع عليهم اسد… راح واحد منهم رمي عليه طوبة وطلع يجري … وبص وراه لقى صاحبه واقف ما بيجريش .. قال له مش بتجري ليه؟ قال له واجري ليه؟ هو انا اللي ضربته؟؟؟
* مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله.
* مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي.
سئلوا صعيدى: ليه جتلت أبوك
الصعيدى: كانوا عاملين رحلة للأيتام , كنت عايز اروحها
المحققين: طب ليه جتلت عمك؟
الصعيدى: كنت عايز ابن عمى يسافر معايا
المحققين: طب ليه كنت عايز تنتحر
الصعيدى: أصلهم لغوا الرحلة
مرة واحدة اتجوزت من ورا أبوها.. لف وشافها.
عسكرى زهق من البندقيه! اشترى حمصية.
مره واحد شاط كرة فى المقص.. اتخرمت.
بيقولك مره واحد نام ساعه.. صحي لقى نفسه حظاظه.
واحده ست سايقه على الجي بي اس.. قالها انحرفي قليلًا.. قلعت الطرحة.
واحد رخم نزل الشارع ملقاش حد يرخم عليه! قام وقف قدام العمود وقالو عدينی.
مره واحد حب ينط م الدور العاشر.. لقى العمارة 5 أدوار.. نط من الخامس مرتين.
ايه الشوكلاته المفضله لدكاترة السنان ؟! شوكولاته ضيرسي.
مرة بطة استلفت فلوس من صاحبتها !! عشان الحالة كانت duck على الآخر.
بنت حبت تشتغل مع رئيس عصابة.. شغلها في غسيل الأموال
مره طالب ادبي نزل القهوة.. قال للقهوجي عايز جيجا تفاح.
* حان موعد اختبار المجانين فرسم الدكتور باب مقفول على الحائط واحد ركله والاخر بطحه وضحك الاخير فظن الدكتور أنه شفى فسألة عما يضحكه فقال له المجنون:المفتاح فى جيبي
* واحد صينى وقع اتكسر
* مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين.
* واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”
* واحدة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه.
* مرة دكتور تحليل امة ماتت قال تحاليلي ياما.
في واحد دلوع اوي, دخلوه اهله الجيش , سأله القائد : تعمل ايه لو قابلت العدو … قال : ارمي السلاح في وشه و اقولوا اكرهك اكرهك اكرهك.
* مرة تلاتة صعايده راحوا محطه القطار لقوا القطر ماشى اتنين منهم طلعوا يجروا ورا القطر والتالت واقف يضحك عليهم، الناس سألوه بتضحك ليه قالهم اصل انا اللى مسافر والاتنين التانين جايين يودعونى.
* مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل.
* صعيدى راكب تاكسى، السواق نزل يحيب علبة سجاير لاقاه خلع عصاية الفتيس ساله ليه خلعتها قله شفتك عمال تلخلخ فيها قلت لما اشلهالك علشان متتعبش.
* مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”.