مفهوم – عدد من أشهر افيهات أفلام السينما المصرية والتي أصبح يستخدمها الكثيرون على الانترنت، للتعبير عن مواقف مشابهة للمشهد المقتبس منه الأفيه في الفيلم أو إستخدامها في الكوميكات والصور المضحكة.

أشهر افيهات أفلام السينما المصرية:

١. «شوفي يا قطة»
عادل أدهم فى فيلم حافية على جسر الذهب

دي غالباً بتقولها لأي واحدة حلوة لما تبقى فاكراك طيب وكيوت وحنين وتحاول توريها انك شاب مافيا وخطر.

٢. «أنا بابا يالا»
خالد صالح فى فيلم تيتو

دي لما حد من أصحابك يبقى عنده مشكلة وانت تقوله سيبهالي عندي أنا ويقولك «ليه هو جنابك مين» وتقوله «أنا بابا يالا».

٣. «سلام يا صاحبي»
عادل إمام فى فيلم سلام يا صاحبي

غالباً لما تتخانق مع واحد صاحبك وتقرروا كل واحد ميعرفش التاني.

٤. «أنا عملت كل حاجة غلط ممكن تتخيلها»
أحمد السقا فى فيلم تيتو

غالباً لما يتقال انك عملت موقف مع حد ويكون موقف مش اللي هو، تقوم عشان تهرب من اللي حصل تقوله «أنا عملت كل حاجة غلط إلا دي».

٥. «عايز تحتفل بالالتصاق يا صايع يا ملتصق»
حسن حسني في فيلم عبود ع الحدود

لما واحد صاحبك يقولك ما تجيب عربيتك أصلي نازل أنا وصاحبتي عايزة احتفل بيها.

٦. «جبت الترنك معاك»
حسين أبو حجاج فى فيلم الناظر

لما تقرر تلعب كورة وواحد صاحبك ملوش فيها عايز يرشق بالعافية.

٧. «يا عزيزي كلنا لصوص»
محمود عبد العزيز فى فيلم يا عزيزي كلنا لصوص

لو بتخطط لمصيبة أو حاجة شمال وتقول لحد من اصحابك يدوس معاك وهو يقرر فجأة انه ملوش في الكلام ده.

٨. «الله يرحمها أم مختار كانت غالية علينا أوي»
محمد السبكي فى فيلم اللمبي

وانت داخل كده أي مكان غلط وعايز تهرب منه بأي شكل تعمل انك متلخبط.

٩. «أيوه، قولي حاجة من اللي ربنا كتبها علينا»
محمد هنيدي فى فيلم صعيدي في الجامعة الأمريكية

وانت قاعد مع صاحبك كده وهو عمال يوعظ فيك بس عمال يلف ويدور ومش راضي يقولك نصيحة واحدة مفيدة.

١٠. «أحلى من الشرف مفيش»
توفيق الدقن فى فيلم أحبك يا حسن

وانت قاعد كده مع الشلة وعمالين تخططوا لمصيبة وحد يقولك «ها دايس معانا».

١١. «هاروح اتحزم وأجيلك»
استيفان روستي فى فيلم سيدة القصر

غالباً في الأفراح لما تبقى قاعد مستني البوفيه وملكش في الرقص ويِجي حد يزن عليك عشان تقوم ترقص.

١٢. «ادي كل واحد مربع واداني أربع مربعات»
علاء ولي الدين فى فيلم عبود ع الحدود

ممكن في كذا حاجة، بس الأغلب لما تبقى في فريق مشروع معين وتلاقي الدكتور يقول لكل اللي معاك على حاجة واحدة يعملوها وانت تشيل الباقي.

١٣. «أقولك فين ولا تزعلش»
فؤاد المهندس فى فيلم أخطر رجل في العالم

غالباً بنقولها لأي حد بيسأل على أي حاجة.

١٤. «اوعي يغرك جسمك»
محمد سعد فى فيلم الناظر

أول جملة تقولها وانت بتتخانق عشان تحاول تنزل من حماس اللي قدامك.

١٥. «هنرقص دانس يا روح أمك»
عادل أدهم فى فيلم الفرن

لما تلاقي كده أخوك عمل مصيبة وبوظ حاجة من حاجاتك، تقوم تزنقه في الأوضة وترقصوا دانس.

 

١6. «انت مش ابني، انت لقيط»
عماد حمدي فى فيلم الخطايا

وانت عمال تزن على أبوك يجبلك حاجة جديدة وتقوله مش حقي ولا ايه هو أنا مش ابنك.

 

١7. «زكريا الدرديري مدرس رياضيات وفرنساوي»
يوسف عيد، فيلم الناظر

لما صاحبك كده يروح يخطب وياخدك معاه وأبو العروسة يقولك «متعرفناش بحضرتك» وانت ياعيني صايع وضايع.

18. «أنا قلت كلمتي مش ممكن تنزل الأرض أبداً»
عبد الفتاح القصري فى فيلم ابن حميدو

في مواقف كتير وخصوصا مع الزوجة.

19. «هو بعينه وغباوته ووشه العكر»
رياض القصبجي فى فيلم إسماعيل يس في الأسطول

لما تشوف واحد بينك وبينه مشاكل أو حد شبهه.

20. «بوروررررررم»
إسماعيل يس فى فيلم إسماعيل يس في الأسطول

وقت ما حد يتسأل سؤال ومش عارف الاجابة.

21. «الكورة فين»
سميرغانم فى فيلم الزواج على الطريقة الحديثة

لما تدور على حاجة ضايعة.

22. «فتشني فتش»
إسماعيل يس فى فيلم ابن حميدو

لما حد يشك انك معاك حاجة ضايعة منه.