huawei هواوي

الفرق بين هاتف Huawei Y7 Prime الجديد والقديم

مفهوم – تسأل الكثيرين من المستخدمين بعد الاعلان عن هاتف هواوي الجديد Huawei Y7 Prime 2019 عن الفرق بينه وبين هاتف Huawei Y7 Prime 2018 القديم.

لذا نستعرض مقارنة سريعة تكشف الفرق بين هاتف Y7 Prime 2019 وهاتف Huawei Y7 Prime 2018 من حيث المعالج والكاميرا والبطارية والشاشة والأسعار.

المعالج :-

موبايل Y7 Prime 2019 الجديد بيجي بمعالج سناب دراجون 450 , وده معالج كويس جدا في الفئة تحت المتوسطة وبكل الاحوال هو افضل من معالج سناب دراجون 430 الموجود في هواوي Y7 Prime 2018 , الفرق حوالي 30% افضل لصالح المعالج الجديد , وده مش معناه ان معالج Y7 2019 هو افضل معالج بالسعر ده , لا طبعا ما زالت شاومي بتقدم معالج سناب دراجون 625 الي هو افضل من سناب دراجون 450 في موبايلات بنفس متوسط الاسعار زي Xiaomi Redmi S2 , وحابب أكد عليكم ان المعالج هو المسؤل عن اداء الهاتف اليومي في البرامج والاداء في الالعاب زي Pubg الي بمعالج سناب دراجون 450 هتشتغل بدون تهنيج على اقل اعدادات جرافيك.

الكاميرا الخلفية :-

موبايل Y7 2019 نازل بنفس الكاميرا القديمة الي في Y7 2018 وهي 13 ميجا بيكسل مع كاميرا ثانوية 2 ميجا بيكسل ولكن الفرق ان فتحة العدسة بقت اوسع في 2019 وهي f/1.8 وده معناه ان التصوير في الاضاءة الضعيفة هيبقا افضل بفرق بسيط عن الكاميرا القديمة لموبايل 2018 الي كانت f/2.0 .

الكاميرا السيلفي :-

موبايل Y7 2019 نازل بكاميرا سيلفي جديدة 16 ميجا بيكسل فتحة عدسة f/2.0 وكمان معاها فلاش LED وبكل الاحوال هيبقا افضل من كاميرا سيلفي Y7 2018 الي كانت 8 ميجا بيكسل.

شاهد مواصفات ومميزات وعيوب موبايل Huawei Y7 Prime 2019 من موقع أكاديميه الموبايل.

البطارية :-

اكبر اختلاف حقيقي هي البطارية , كانت 3000 مللي أمبير في موبايل Y7 2018 وكانت بتخلص بسرعة جدا والكلام ده كان شكوى متكررة من مستخدمين كتير , اما الـ Y7 2019 نازل ببطارية 4000 مللي أمبير وكمان المعالج افضل وموفر اكتر فبالتالي البطارية هتبقا افضل بفرق كبير جدا.

التصميم :-

الموبايلين من البلاستيك , بس الاختلاف في شكل الكاميرات ودرجة الالوان والكلام ده ممكن تتعرفوا عليه اكتر من صور كل موبايل الي موجودة في مقالة كل موبايل لوحده وهتلاقيها لما تدوس على اسم الموبايل باللون الأزرق فوق .

الشاشة :-

شاشة الـ Y7 2019 نازله بحجم 6.26 بوصة بدقة HD+ وفيها نوتش صغير DewDrop مخلي الشاشة شكلها افضل بكتير من شاشة الـ Y7 2018 الي كان بينزل بشاشة 6 بوصة بردة بدون نوتش ولكن مع حواف شاشة كبيرة وبنفس الدقة الـ HD+ .

الاسعار :-

سعر الـ Y7 Prime 2019 اتحدد رسمي 2999 جنية , وبكدا هيبقا اغلى حوالي 200 جنية من موبايل Y7 Prime 2018 الي سعره دلوقتي حوالي 2800 جنية مع العلم ان الموبايلين نفس المساحة 32 جيجا ونفس الرام 3 جيجا واعتقد سعر Y7 2018 هيرخص عن كدا خلال اليومين الجايين لحد اما الكمية بتاعته تخلص من الاسواق ويفضل الـ Y7 2019 هو الي موجود ومتاح للبيع.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *